Bagong Babasahin

Nagsimula nanaman ako sa pagbabasa. Hinalungkat ko ang mga naka-tambak kong libro kasama na ang dalawang librong blinog ko. Type ko nanaman manakot ng sarili kaya tantananan (basa-mode).

Galing ako sa SM Fairview kanina para bumili ng mga personal na gamit para sa aking hygiene ng maisipan kong hanapin ang book 27 ng TPGS. Napapunta tuloy ako sa National Bookstore.

Una ko talagang hinanap ang book 27 (kanina lang binabasa ko pa ang book 26). Akalain mo nga naman at meron na palang book 27. Di ko inaasahan na meron ng bago dahil ilang buwan din inaabot bago mag release ng panibago (nagco-compile pa sila ng mga stories). Pagpunta ko sa shelf kung saan nandun ang mga TPGS books, kakaunti na lang ang natitirang book 27 (maraming mga adik ang bumibili nito para takutin din ang sarili nila at  muntik na nila ako maubusan). Wala to sa budget.

Dahil sa hindi pa ako nakaka-move on sa movie na “Marley & Me”, binili ko na rin ang novel nito sa panulat ni John Grogan. Totoong pangyayari ang nasasaad sa nobela na ito at inspirational pa, pramis. Siguradong magugustuhan ng mga dog lovers at mga hindi dog lovers (cat lovers?). Mas gusto ko yung detailed na mga pangyayari kaya ayan tuloy napabili. Sigurado pinaikli nila ang story sa movie kaya basahin ko na lang yung mga linaktawan nila. Sa bagay, kung buong novel kasi ang ilalagay nila baka naging series na yun sa telebisyon sa haba.

Plano ko silang tapusin basahin sa susunod na weekend. Sana walang ibang gagawin para matapos ko, kung hindi madadagdag ang dalawang ito sa iba pang libro na binili ko, na hanggang ngayon ay di ko pa tapos basahin.